जाती

जाती
एकाच विहरीवर
पाणी शेंदू लागल्या आहेत
पण पोहऱ्याचे रंग
बदललेच नाहीत
              आता
               एकाच एसटीत
               सर्वांचा प्रवास
               पण खाली उतरताना
               गावाला अजूनही
              जातीच उतरताना दिसतात
आंतरजातीय वऱ्हाड
मिसळत एकमेकांत
पण धार लावलेली
एक कुऱ्हाड
असतेच ना
प्रत्येकाच्या मनात
         मुलं बसतात शाळेत
         एकमेकांना खेटून
         पण त्यांचीच जातवारी काढून      
          प्रत्येकाला तक्त्यावर
          बसवले आहेना फोडून फोडून
आठ अ च्या उतार्यावर
आडनाव बदललं आहे
माणूस असल्याची
नोंद झाली आहे,
         पण
         भिल्लांची दोन
         वडाऱ्यांची तीन
         रोमोश्यांची चार
         अशी जगप्रसिद्ध घरं
          गावातच आहेत ना अजून
        
=============================================================================           जर तुमच्याकडे Hindi, english, किंवा marathi भाषेमध्ये काही article,  स्टोरी, किंवा कविता जी तुम्हाला share करायची आहे. तर कृपया ती माहिती आपल्या फोटोसोबत (फोटो नसला तरी चालेल) आम्हाला email करा  E-mail करा.
        आमचा email Id आहे : rohit.shelake7@gmail.com    आम्ही त्याला तुमच्या नाव व फोटोसहित या ब्लॉग वर PUBLISH करु.
Thanks !