सांगायचे होते तुला काही...

सांगायचे होते तुला काही...
राहूनच गेले.
मनातले गुपित ओठांवर आणायचे ..
राहूनच गेले.
तू माझी राधा.. मी तुझा कृष्ण 
प्रेमाला काव्यात गुंफण्याचे 
राहूनच गेले. 
तुझ्या सहवासात असतांना, 
तुला एकटक न्याहाळतांना, 
तुझ्याच विचारांत स्वतःला विसरतांना,
तुझ्या सोबत जगायचे..
राहूनच गेले.
तू रागावशील, सोडून जाशील,
मैत्रीचा धागा तोडून जाशील.
म्हणून माझे जीवापाड प्रेम व्यक्त 
करायचे..राहूनच गेले.